Mbrojtësi i Juventusit, Gleison Bremer ka folur pas dëmtimit të rëndë që do ta lërë për shumë gjatë jashtë fushave. Braziliani thotë që është një moment i vështirë, por do të rikthehet më i fortë. Ndër të tjera, Bremer shton se do të jetë në mbështetje të ekipit gjithmonë.
“Është e vështirë që të gjesh fjalët në këtë moment të vështirë. Për fat të keq rezultati i ekzaminimeve mjekësore ishte më i keqi. Është një sfidë që dua ta përballoj me të njëjtin motivim si gjithmonë, do të jetë një mundësi për t’u rritur.
Mund të përmirësohem dhe të rikthehem më i fortë. Tani kam një rikuperim të gjatë përpara, por mbështetja ime nuk do t’i mungojë ekipit dhe shkoëve të mi. Forca Juventus, gjithmonë me ju!”, ishin fjalët e mbrojtësit brazilian.
Kujtojmë që qendërmbrojtësi i Juventusit, Gleison Bremer doli nga fusha e blertë gjatë ndeshjes në Champions League ndaj Leipzig me dhimbje të dukshme. Pas testimeve të kryera do të humbasë gjysmën e sezonit aktual.
Mjekët bëjnë të ditur se braziliani ka ndrydhur ligamentin e gjurit të majtë, një lëndim ky që kërkon minimumi 6 muaj për tu rikuperuar plotësisht. Tashmë “Zonja” është vënë në lëvizje për të gjetur zëvendësuesin ideal.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
