Vllaznia do të luajë të shtunën në orën 17:00 ndeshjen e radhës në Kampionatin Shqiptar.
Shkodranët do të presin Skënderbeun në stadiumin “Loro Boriçi” dhe do të kërkojnë të paktën një pikë nga ky takim.
Vllaznia do të ketë një numër të madh mungesash në këtë përballje. Cungu, ka të padisponueshëm pothuajse të gjithë repartin e mbrojtjes. Endri Vrapi, Olsi Gocaj dhe mesfushori Ardit Krymi do të mungojnë për shkak të kartonëve të verdhë të marrë në sfidën kundër Korabit.
Këto tre mungesa nuk do të jenë të vetmet për Cungun pasi këtyre u shtohen edhe lojtarë të tjerë të dëmtuar si: Stefan Cicmil, Denis Pjeshka dhe Ambroz Kapaklia. Mbrojtësi Landry Mulemo është në dyshim për formacionin. Vetëm Ditmar Bicaj është i padiskutueshëm për sfidën ndaj korçarëve.
Loading ...
