Kukësi mori një fitore mjaft të rëndësishme në javën e kaluar, teksa mposhti 1-0 në shtëpi Partizanin pretendent për titullin kampion. Sigurisht që kjo fitore ka sjellë optimizëm në skuadër, por pozicioni ku verilindorët ndodhen në këtë sezon lë shumë për të dëshiruar.
Nga kampionëti Europa duket si një “mision” i pamundur, teksa rruga më e shkurtër është të arrihet nga Kupa e Shqipërisë. Pikërisht në këtë kompeticion kërkohet që Kukësi të arrijë deri në fund.
Presidenti i Nderit, Safet Gjici asnjëherë nuk e ka fshehur dëshirën për Europën, madje ka vendosur dhe kusht për këtë. Gjici kërkon që skuadra të përligj shpenzimet e bëra, pasi një vit tjetër larg kompeticioneve europiane do të thotë shumë për një ekip si Kukësi.
Pikërisht në Kupë ditën e mërkurë Kukësi do të ketë përballë Teutën, takim që do të luhet në orën 17:00.
“Niko Dovana” mund të cilësohet si “macja e zezë” e skuadrës së Hallaçit që prej 5 vitesh nuk e njeh shijhen e fitores në Durrës. Në shtator të 2018 është fitorja e fundit te verilindorëve në “Niko Dovana”.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
