Rexhinaldo Faite mund të transferohej te Partizani, por ka qenë presidenti Safet Gjici, i cili ka vendosur veton për sulmuesin mozambikas. Kreu i verilindorëve nuk ka pranuar ofertën e të kuqve që afrikani t'i bashkohej skuadrës së trajnerit Skënder Gega.
Mësohet se mes drejtuesve të Partizanit dhe atyre të Kukësit ka pasur bisedime në Antalia, por përgjigja e dhënë nga Gjici ka qenë negative. Edhe pse Rexhinaldo nuk po kalon një situatë të mirë në klubin kuksian, kreu i verilindorëve ka vendosur ta mbajë në ekip për pjesën e dytë të sezonit.
Partizani është rival direkt për titull dhe lënia e lirë e Rexhinaldos do ta fuqizonte më tepër. Kësisoj drejtuesit kuksianë së bashku me stafin teknik e kanë parë të udhës që sulmuesi mozambikas të jetë pjesë e verilindorëve edhe për dy fazat e ardhshme.
Lexo gjithashtu
