Mbrojtja që Bernard Berisha i bëri një fansi të ri në fund të takimit Anzhi – CSKA Moskë, ka bërë bujë në mediat angleze. Media e mirënjohur “Mirror” i ka kushtuar një lajm gjestit të Berishës, duke e lavdëruar futbollistin shqiptar.
Në fund të takimit Anzhi-CSKA Moskë, një fans është futur në fushë për të takuar futbollistët, por rojet e sigurisë e kanë kapur për ta nxjerrë jashtë me forcë. Në atë moment Berisha ka ndërhyrë duke debatuar me rojen e sigurisë dhe duke e hequr tifozin nga duart e tij.