Gjashtë gjyqtarë për të gjykuar supersfidën e Korçës, kryesori është nga Lushnja (EMRAT)

Sot, Skënderbeu do të luajë kundër Tiranës, ndeshje e vlefshme për javën e 23-të të Superiores.

Federata Shqiptare e Futbollit ka vlerësuar maksimalisht këtë takim dhe ka vendosu gjashtë gjyqtarë për të ndarë drejtësi në fushën e stadiumit “Skënderbeu”.

Kryesor i takimit është caktuar Laver Alla që do ta asistohet nga Ilir Tartari dhe Edlir Malo. Ndërkohë pas portave janë vendosur Olsi Sokoli dhe Olsid Ferataj. Ndërsa gjyqtar i katërt do të jetë Devis Korreshi.

Ky takim është mjaft i rëndësishëm për dy ekipet që do të synojnë të tentojnë një rezultat pozitiv. Bardheblutë udhëtojnë në Korçë vetëm me mungesën e Erion Hoxhallarit, ndërsa te Skënderbeu është rikthyer Dejvi Bregu. Sfida është vendosur të luhet në orën 18:00.