Gilman Lika nuk ka asnjë të ardhme te Skënderbeu. Ish-sulmuesi anësor i Kombëtares nuk do të kalojë në Korçë, pasi nuk është kontaktuar nga drejtuesit bardhekuq. Dje, 34 vjeçari u lidh për një transferim në juglindje, teksa newsport.al kontaktoi lojtarin.
Lika u shpreh se nuk është kontaktuar nga Skënderbeu, teksa është në negociata me një tjetër klub. Në respekt të marrëveshjes, Gilmani nuk zbulon emrin e skuadrës së ardhshme, teksa shprehet se shumë shpejt do firmosë me klubin e ri.
“Skënderbeu? Nuk më kanë kontaktuar. E ardhmja? Nuk mund të flas më shumë sepse dua të jem korrekt me klubin e ri. Besoj se shumë shpejt do të merret vesh”, tha Lika shkurtimisht për newsport.al.
Loading ...
