Sot, për të përditshmen sportive "La Gazzeta dello Sport" ka zbuluar një detaj të veçantë për jetën e portierit të Juventusit i afërmi i tij, Lorenzo Buffon. Ai ka dhënë një intervistë sot, ditë në të cilën Gianluigi Buffon ka mbushur plot 39 vjeç. Ai thotë, se Buffon mund të kishte pasur një karrierë ndryshe nëse do të ishte transferuar kur ishte adoleshentë te skuadra e Milanit.
“Buffon është më i miri në botë edhe sot e kësaj dite, dhe po, ai gjithashtu është një i afërm i imi. Unë e mora me vete te Milan kur isha akoma i punësuar si një zbulues talentesh, por drejtuesit e asaj kohe vendosën të mos ta merrnin në akademinë e tyre. Tani kuqezinjtë kanë Gianluigi Donnarumma, i cili besohet të jetë pasardhësi i Buffon dhe Dino Zoff. Dino ishte më i miri bashkë me Lev Yashin, të cilin kisha fatin ta takoja. Me siguri që karriera e Buffon do të kishte shkuar ndryshe nëse do të kishte kaluar te Milan", tha Lorenzo Buffon për "La Gazzeta dello Sport".
Kujtojmë, që legjenda e Juventusit e filloi karrierën e tij te Parma dhe më pas është transferuar te Juventus për shifrën rekord prej 53 milionë eurosh.
Lexo gjithashtu
