Gëzojnë argjentinasit, Messi u bën dhuratën e shumëpritur

Leo Messi do të rikthehet në kombëtare. Ky është lajmi i fundit që qarkullon për “pleshtin” e Barcelonës. Gazeta argjentinase “La Nacion” me anë të një deklarate ka treguar që Messi shumë shpejt do të rikthehet në kombëtare. Sipas saj veprimi i tij ishte i nxituar, duke mos menduar impaktin që do të jepte te njerëzit largimi i tij nga përfaqësuesja e Argjentinës.

“Bastvënësit dhe tifozët – jo me doemos e njëjta gjë – mund të qetësohen: Mesi do të rikthehet në ekipin kombëtar. Pyetja e vetme që mbetet akoma e hapur është kur, pasi kemi folur me disa burime tepër të sigurta pranë numrit 10. Messi nuk ishte në dijeni se çfarë impakti do të kishin deklaratat e tij për popullin argjentinas”, shkruan gazeta argjentinase.
Messi deklaroi që do të largohej nga kombëtarja pas humbjes së Argjentinës me Kilin, ku ai ishte protagonist me penalltinë e humbur. Ai humbi finalen e dytë rresht në Copa America, duke thënë që e kishtë të vështirë të humbte disa finale njëherazi,dhe kjo ishte arsyeja e largimit të tij.