Largimi i Nevil Dede nga drejtimi i skuadrës së Tiranës ishte lajmi i ditës së djeshme që befasoi mbarë opinionin sportiv. Klubi bardheblu kudo që përmendet sigurisht që përbën lajm e mbrëmjen e djeshme në çdo panel sportiv ishte temë kryesore. Elvis Sina ishte i ftuar te “Rubrika Sportive” në një lidhje të drejtëpërdrejtë.
Ish-kapiteni i Tiranës sulmoi publikisht Refik Halilin duke e cilësuar si një njeri me të cilin nuk punohet me të, që e ka kthyer sipas tij klubin në një paçavure. Madje i mëshoi disa herë faktit që kreu i kampionëve ndërhyn në formacion. Në këtë moment ndërhyri Fatjon Shehu, gazetari i njohur sportiv i cili analizoi rastin në fjalë. “Pse shkoi Dede te Tirana kur e dinte se si ishte Refiku?”, kjo ishte pyetja që ai shtroi për Sinën, i cili nuk iu përgjigj por përmendi se çfarë kishte dëgjuar përmes të tjerëve.
“Unë e di që Sina realisht e do Tiranën. Nëse flet me emocionon, nuk flet se ka diçka personale. The se të gjithë e dijnë që Halili ndërhyn në formacion. Tani, Dede pse shkoi? Është edhe kjo një çështje që… Nëse do të flasim për moral, flasim për të gjithë me të njëjtin metër. Dede e njeh Halilin shumë mirë se si është sepse ka punuar me atë. Unë s’e njoh sepse s’kam punuar. Ai shkoi sepse e njihte. Nëse ti shkon te një president që e di se do të ndërhyjë dhe largohesh në të vetmen rast, që po i besojmë deklaratës së Dedes, nuk më korrespondon morali i të dy gjërave. Sepse ti po shkon te dikush që e di se si është. Do ndash të njëjtën filozofi me të nëse do të shkosh. Nëse largohesh në atë mënyrë pastaj…“, tha fillimisht Shehu.
Më tej ai analizoi shkurtimisht atë që Refik Halili ka bërë përgjatë këtyre viteve në klubin e Tiranës duke i dhënë meritë të madhe për kontributin pa kushte për futbollin shqiptar. Sipas tij Halili ka rritur të ardhurat për aktorët që përbëjnë elitën tonë, duke i dhënë tjetër nivel Kategorisë Superiore.
“Ta duash një klub dhe të kontribuosh për një klub ka diferencë shumë të madhe. Që të ulemi ne këtu dhe të flasim se si duhet paqja në botë e si bëhet Tirana, është shumë komode. Por, të shkosh dhe të japësh 150 mijë euro ose 100 e ca mijë euro muaj për muaj, për atë klub, ai i zoti i hallit e di se çfarë do të thotë. Ne jemi në një ekonomi të brishtë. Nuk po themi që Halili ose shumë presidentë të tjerë po qarkullojnë miliona euro dhe i kanë bishtaja ato që hedhin aty. Çdo gjë bëhet me sakrificë në futbollin shqiptar. Me këtë mentalitet i japin më shumë të drejta dhe vendimmarrje një presidenti klubi në Shqipëri. Po të ishim në kushte të tjera, po të kishim klube që financohen nga Liga apo Federata siç ndodh në Serinë B në Itali. Këtu dalin 100 përqind nga xhepi. Këtu janë investime aventureske. Për ekonomi je faliment që ditën e parë. Nëse jap 1 milionë e ca euro në vit, për djalin tim po them, sigurisht disa kushte do t’i vendos. Se sa ndikojnë në rezultat, hajde ta diskutojmë. Por, ta bësh simbol mua më duket padrejtësi që me paratë e tua të shkatërrosh emrin e familjes. Dashuria ndaj familjes nuk ka çmim, por në momentin që unë për këtë sakfricië po investoj gjithë pasurinë time, është shumë e padenjë që të largohesh për një kapriçio. Është shumë e padenjë që t’i mbetet gjithë faji presidentit. Nëse do t’i bëjmë analizën Halilit në total, sigurisht që ka pasur dështime, gabime, ka pasur shumë menaxhime të gabuara. Por, nga ana tjetër nuk mund ta gjykosh një president që po sakrifikon kaq shumë për futbollin. I bën një nder dhe trajnerëve, dhe futbollistëve sepse duke rritur nivelin e investimit, mori sulmuesin finlandez, mori Seferin, rriti konkurrencën në kampionat ai me atë gjë. Rriti të ardhura për futbollistët, për menaxherët, për trajnerët. Rritet niveli i kampionatit. Janë shumë elementë që kontribuojnë“, përfundoi Fatjon Shehu.
Loading ...
