Salzburgu ka surprizuar mbrëmë Lazion duke e mundur në ndeshjen e dytë të çerekfinales së Europa Leagues me rezultatin e thellë 4-1, duke siguruar kështu kualifikimi në fazën tjëtër të këtij kompeticioni pas rezultatit 4-2 në takimin e parë lajtur në Romë.
Sigursht që ndër më të dobëtit në fushën e lojës ka qenë portieri i Kombëtares shqiptare, Thomas Strakosha. Pas përfundimit të takimit, "gardiani" ka pranuar se eleminimi ka ardhur dhe si pasojë e një prej gabimeve të tij, duke theksuar se skuadra nuk ishte në ditët e saj më të mira por patjetër sipas Strakoshës, meritonte të kalonte në fazën tjetër.
"Lojtarët kanë bërë gjithçka që kishin mundësi, ishte gabimi im në golin e dytë dhe kjo ndryshoi të gjithë rrjedhën e lojës. Ndihem shumë fajtor. Është vërtet zhgënjyese, pasi nuk meritonim të dilnim kështu. Ne gabuam pasi u frikësuam dhe më pas u ndalëm. Ndihem keq që pësuam këtë humbje të tillë. Ishte gabimi im gjatë golit të dytë dhe si pasojë ata shënuan 3 herë brenda 4 minutave. Jam shumë i zhgënjyer për humbjen, duhet të shohim pas. Ata janë shumë të motivuar pas arritjes së gjysmëfinales, por ne jemi më shumë se ata, sepse nuk meritonim të dilnim. Një fitore në derbi do të na japë shtysën që duhet të shkojmë përpara. Pse jo edhe të kapnim finalen. Por ky është futbolli, nga gabimet ndëshkohesh", është shprehur Strakosha për "Lazio Style Channel" pas përfundimit të takimit.
Lexo gjithashtu
