Gallatë te të kuqtë, zhduket “bomberi” pak ditë pas rinovimit

Çështja e Xhevahir Sukajt ishte krejtësisht e pakuptimitë te Partizani. Nuk luan se është i dëmtuar, nuk luan se nuk ka gjendje fizike…Vetëm pak ditë pas prezantimit nga presidenti Gaz Demi si lojtar i të kuqve edhe për një sezon, shkodrani i ka mbyllur marrëdhëniet me ekipin, që sot luan në Europa League me Slovan Bratislavën. Sukaj nuk ishte pjesë e formacionit dhe duket se sulmuesi e ka pasur hallin te paratë, që kishte pa marrë. Mësohet se ai ka marrë një pjesë të shumës totale prej 20 mijë eurosh dhe u ka thënë lamtumirë të kuqve për një skuadër në Malejzi. Tani Partizani duhet të gjejë me urgjencë një sulmues kalibri.