Fantazisti i Empolit në Serie B, Nedim Bajrami i ka kthyer përgjigje pozitive FSHF-së për të qenë pjesë e Kombëtares shqiptare të futbollit, kjo sipas shtypit të shkruar. Ka qenë një dëshirë e trajnerit Edy Reja që 21 vjeçari me origjinë nga Maqedonia e Veriut të ishte pjesë e kuqezinjve.
Bajrami ka qenë pjesë e të gjitha grupmoshave të Zvicrës, deri në U-21, ndërsa duket se kërkesa e Shqipërisë ka bërë që Bajrami të ndërrojë mendje.
Tanimë FSHF do duhet të merret me të gjitha procedurat në FIFA, teksa më herët futbollisti duhet të pajiset me passaportë shqiptare. Duket se në 25 mars, atëherë kur nis edhe fushata kualifikuese e Botërorit 2022, Shqipëria do ketë një futbollist të ri në grumbullim.
Loading ...
