Kamza është vënë në kërkim të një qendërmbrojtësi, pozicion i cili në gjysmën e parë të sezonit u mbulua nga kroati, Ivan Fushtar. Pas largimit të këtij të fundit në Katar, skuadra e Raman Ndreut po përgatitet të përforcohet me një tjetër lojtar në këtë pozicion.
Mësohet se drejtuesit e klubit kanë hedhur "grepa" në Durrës, pasi kanë kërkuar arritjen e një marrëveshje me futbollistin e Teutës, Arsen Sykajn. Nuk dihet nëse durrsakët do pranojnë të arrijnë një marrëveshje, pasi pak ditë më parë është konfirmuar se nuk do të ketë më asnjë largim nga skuadra.
Në këto kushte Kamza duhet të presë, nëse kjo gjë arrihet do ishte pozitive pasi do zbriste në fushë një skuadër më e kompletuar, në rast të kundërt do t'i duhet trajnerit të përshtasë ndonjë lojtar në këtë pozicion deri në momentin që të gjendet zëvendësi i kroatit.
Lexo gjithashtu
