Fusha e Selman Stërmasit është në gjendje të mjerueshme dhe kjo vihet re edhe në lojën e skuadrave. Në këtë stadium, këtë sezon luan Dinamo pasi Tirana preferonte Air Albanian përpara se të mbyllej.
Mirëpo, edhe Blutë kanë ndërmend të largohen pasi fusha i pengon shumë në lojën që duan të zhvillojnë, vetë trajneri Mehmeti e evidentoi këtë pas ndeshjes me Korabin. Në sfidën e rradhës, presin Besën të shtunën në orën 15:00 dhe drejtuesit po mendojnë seriozisht Elbasan Arenan.
Kampionatit i mbeten vetëm 4 ndeshje për të përfunduar ndaj Dinamo dëshiron të marrë maksimumin dhe në Elbasan do të ishte vetëm një rast i vetëm. Pas Besës, blutë do të luajnë vetëm në transfertë pasi ajo me Tërbunin në shtëpi nuk do të zhvillohet pas dënimit të pukjanëve kështu që, kampionati mbyllet me Luzin dhe Lushnjen.
