Vllaznia do të luajë në datën 7 dhjetor kundër Tiranës, ndeshje e vlefshme për finalen e Superkupës së Shqipërisë. Kjo sfidë do të zhvillohet në stadiumin “Air Albania”, ndërsa tashmë është vendosur që biletat për tifozët kuqeblu të shiten në Shkodër.
Përmes një postimi të bërë në kanalin zyrtar të klubit bëhej me dije që prej datës 4 dhjetor, do të nisë shitja e biletave. Një lajm i mirë për tifozët shkodranë që kanë mundësinë për të parë këtë supersfidë në impiantin kryeqytetas.
“NJOFTIM
KF Vllaznia bën të ditur se për t'i ardhur në ndihmë tifozëve shkodranë që duan të jenë të pranishëm në ndeshjen finale të Superkupës ndaj Tiranës, që do të luhet më 7 dhjetor ora 19.00 në "Air Albania", në bashkëpunim me FSHF si organizatore e ndeshjes, kanë vendosur që biletat e saj të shiten edhe në Shkodër.
Për këtë arsye, bëjmë me dije se sporteli pranë stadiumit "Loro Boriçi" do të jetë i hapur që prej datës 4 dhjetor deri ditën e ndeshjes sipas orareve të mëposhtme:
Paradreke: 10.00- 14.00
Pasdreke: 17.00- 20.00
Eja edhe ti!
Një ndeshje ku nuk duhet të mungosh!
Forca Vllaznia!
(Shënim: Tribuna e caktuar për tifozët kuqeblu është ajo pas porte nga ana e Hotel "Sheraton"”, thuhej në njoftimin e klubit të Vllaznisë.
[caption id="attachment_669600" align="alignnone" width="745"]
Njoftimi i klubit të Vllaznisë[/caption]
Lexo gjithashtu
