Portieri Stivi Frashëri u duk si zëvendësuesi ideal i të larguarit Koliçi te Kukësi, por disa gabime në ndeshjen e humbur 5-2 në Gjeorgji përballë Torpedos, duket se lëkunden disi besimin e drejtuesve të klubit te ish-“gardiani” i Tiranës dhe Bylist.
Madje situata shkoi deri aty sa Frashëri nuk u aktivizua në ndeshjen e kthimit në “Elbasan Arena” dhe as në takimin e parë në kampionat kundër Laçit. Në media u përfol për një gjobitje e tij nga ana e drejtuesve, që më pas u pasua dhe me lajmin për një largim të tij drejt Kamzës. Madje kjo e fundit u konfirmua edhe nga burime pranë lojtarit.
Por sot portieri ishte në stërvitje me verilindorët, në përgatitjet për ndeshjen e javës së dytë të Superiores përballë Flamurtarit. Nuk dihet ende nëse palët kanë gjetur edhe një herë mirëkuptimin mes tyre, apo tratativat me Kamzën nuk shkuan ashtu si duhet. Megjithatë duhet theksuar se kjo është një situatë disi e çuditshme, por që pritet të sqarohet në sfidën e Vlorës nëse Frashëri do të jetë titullar në katërkëndëshin e Kukësit apo jo.
Loading ...
