Tirana luan më 26 maj ora 17:00 ndaj Kukësit, sfidën e fundit të këtij sezoni. Bardheblutë u kurorëzuan kampionë për herë të 26 në historinë e klubit, si askush tjetër në Shqipëri. Kryeqytetasit kanë menduar që 26 majin ta kthejnë në ditë të veçantë për tifozët e shumtë. Në orën 19:15 stadiumi do hapë dyert për fillimin e festës, kur dhe trofeu është marrë.
Koncert i madh me emra të njohur të muzikës shqiptare është paralajmëruar dhe Tirana me postimin e fundit në rrjetet sociale, ka njoftuar emrin e parë që do zbresë në skenë. Këngëtarja e mirënjohur Artjola Toska do jetë aty për të ndezur fillimin e një nate të gjatë dhe të mbushur me emocione.