Derbi mes Interit dhe Milanit ka mbërthyer gjithë futbollin italian dhe më gjerë teksa emocionet e sfidës po sa vijnë e shtohen deri në fërshëllimën e parë të gjyqtarit. Sonte në orën 20:45, dy klubet legjendare do të përplasin edhe njëherë brirët por kësaj rradhe për kuadër të kampionatit.
Një kampionat që i gjen ekipet në formë komplet të ndryshme teksa Milani po kalon një moment katastrofal me 7 ndeshje pa fitore ndërsa zikaltërit që vijnë si fitues të Superkupës pikërisht me kuqezinjtë.
Emocionet janë në kulm dhe qyteti i Milanos është gati të “shpërthejë” nga momenti në moment me orët që po numërohen çdo sekond deri në mbrëmje. Neësport.al ka arritur të sigurojë pamje ekskluzive nga gjendja aktuale në qytet ku shihet se ushtria ka hyrë në rrugët e qytetit që po bëhet gati për derbin e zjarrtë.
