Partizani do të presë BATE Borisov sonte në orën 20:45 në stadiumin ‘Air Albania’, ndeshje e vlefshme për raundin e parë kualifikues të Champions League. Të kuqtë kërkojnë të marrin një rezultat pozitiv përpara tifozëve të tyre për të shkuar më pas me një avantazh në ndeshjen e kthimit e cila do të luhet në stadium asnjëanës.
Trajneri Zoran Zekic do të ketë debutimin e tij në krye të ‘demave’ dhe ka përzgjedhur 11 titullarët e kësaj sfide. Nga porta e nis Pano Qirko ndërsa mbrojtja s’ka surpriza me Hadroj, Sembene, Sota dhe Atanaskoski nga e para.
Në mesfushë, Arinaldo Rrapaj do të luaj krah Murataj dhe Mehmetit ndërsa në sulm merr fund dilema e Eros Grezdës. Tedi Cara merr vendin e titullarit krah Da Silvas dhe Mba.
[caption id="attachment_700116" align="alignnone" width="590"]
Formacionet Partizani - Bate / ©UEFA[/caption]
Lexo gjithashtu
