Të dielën në orën 20:45 do luhet Inter-Milan. Derbi i shumëpritur vjen ndryshe nga një vit më parë. Nëse vjet dy ekipet e Milanos luftonin për titull, këtë vit garojnw për një vend në Champions League, sepse të dyja janë shumë larg Napolit kryesues.
Interi duket se është më i favorizuar duke parë edhe renditjen. Zikaltrit janë në vendin e dytë, ndërsa kuqezinjtë renditen të pestët megjithëse janë 2 pikë larg Interit. Një fitore e Milan do t’i ngjiste ata mbi rivalët e tyre të përjetshëm. Megjithatë skuadra e Piolit po kalon një moment mjaft të keq.
Humbja me Lazion 4-0 dhe disfata 2-5 me Sassuolo i kanë komplikuar shumë gjërat për milanistët. I shtojmë kësaj edhe humbjen në Superkupë përballë Interit 4-0, e zhysin Milanin në formën e saj më të dobët në periudhën “Pioli”. Të besuarit e Inzaghi nga ana tjetër kanë pasur ulje-ngritjet e tyre këtë sezon.
Por fitorja me Cremonese në trasfertë dhe kualifikimi në Kupë përballë Atalantës në mesjavë kanë rritur moralin në “Apiano Gentile”. Në këtë derbi ata do të kenë në dispozicion pas shumë kohësh edhe Lukaku. Belgu mund të nisë nga minuta e parë, megjithatë nuk përjashtohet ta nisë edhe Dzeko nga fillimi.
Inzaghi do zgjedhë një prej dy “bomberave” për të përkrahur Lautaron e padiskutueshëm. Në mbrojtje mund t’i besohet sërish Skriniar, ndërsa Dumfries dhe Darmian do të luftojnë për një vend titullari. Tek Milani dilemat janë më të pakta për Piolin,me ndryshimin e vetëm që për këtë sfidë do t’i besojë në mesfushë Kruniç në vend të Benacer të dëmtuar.
Inter (3-5-2): Onana; Skriniar; Acerbi: Bastoni; Darmian; Barella; Calhanoglu; Mkhitaryan; Dimarco; Lautaro; Lukaku. Trajner: Simone Inzaghi
Milan (4-3-3): Tatarusanu; Calabria; Kjaer; Kalulu; Hernandez; Pobega; Tonali; Kruniç ; Saelmakers; Giroud; Leao. Trajner: Stefano Pioli
Lexo gjithashtu
