Partizani do të presë nesër në shtëpi Kastriotin në orën 16:00 për javën e 26-të të Superiores. Të kuqtë duan të rikthehen menjëherë te fitoraj pas barazimit të fundit me Vllazninë që i zbriti nga kreu i kampionatit dhe kanë rastin më të mirë pasi përballen me ekipin e fundit në renditje.
Mirëpo, në fushë, krutanët kanë treguar se janë një kockë e fortë dhe duhet përqëndrim maksimal për të dalë me tre pikë ndaj tyre. Trajneri Colella do të bëjë pa shërbimet e dy lojtarëve, portierin Alban Hoxha dhe mesfushorin Maguette Gueye për probleme fizike.
Mungesa do të ketë edhe Emiliano Çela, i cili duhet të bëjë llogaritë pa Mehmetin që ka plotësuar numrin 4 të kartonëve të verdhë. Prenkovic ka mbyllur sezonin për shkak të një dëmtimi, ndërsa në dyshim është Karakaçi që nga komisioni i disiplinës u pezullua me 2 ndeshje. Njërën prrej tyre e ka shlyer në Kupë dhe nuk dihet nëse klubi do të paguajë për ta pasur të gatshëm në kampionët ditën e sotme.
Formacionet e mundshme:
Partizani: Rexhepi; Hadroj, Sota, Telushi, Atanaskoski; Rrapaj, Matondo, Murataj; Da Silva; Selmani, Mba. Trajner: Giovanni Colella
Kastrioti: Sali, Kodra, Stojanovic, A.Selmani, Rami, Onanunga, Hasani, Mihana, Zogaj, Greca, Rexhinaldo (S.Selmani). Trajner: Emiliano Çela.
