Flamurtari mund të themi se është një ndër ekipet që lëvizi më shumë në këtë merkato. Trajneri Shpëtim Duro është i qetë në pjesën e mbetur të kampionatit, kjo sepse ka arritur të forcojë disa reparte që në gjysmën e parë të kampionatit shfaqi probleme.
Problemi i vetëm për Duron tani është dilema për të zgjedhur titullarët për repartin e sulmit. Afrimi i disa prurjeve të reja në këtë repart ka bërë që Duro ta ketë të vështirë këtë lojtar do të hedhë në fushë.
Disa prej titullarëve të pjesës së parë të sezonit ndiehen të rrezikuar për shkak të kokurencës. Nëse deri para merkatos në këtë repart ishin, Bushiç, Alvesh dhe Hoxhaj, pas merkatos numri i futbollistëve në këtë repart ka shkuar në gjashtë. Afrimi i Muarem Muaremit, Igor Nedeljkoviç dhe Sedu Kamaras, ka bërë që "artileria" e Flamurtarit në sulm të përforcohet ndjeshëm.
Kjo ka bërë që Duro, por jo vetëm të shpresojnë te titulli kampion, duke u nisu dhe nga paraqitja e fundit në kampionat, ku vlonjatët arritën të thyejnë korçarët në shtëpi në minutat shtesë.
Lexo gjithashtu
