Flamurtari ka arritur akordin me sulmuesin e ri dhe bëhet fjalë për Muarem Muarem, lojtari nga Shkupi i cili është konfirmuar së fundmi në kampin vlonjat. Karriera e Muaremit është e pasur, ai ka qenë pjesë e Karabagut, ku ka bërë pjesë dhe lojtari i Kombëtares, Ansi Agolli. Së fundmi ai ka qenë pjesë e ekipit Oktobe në Kazakistan.
Muarem Muarem do të përfitojë 15 mijë euro në muaj, duke e bërë këtë të fundit lojtarin më të paguar në kampin vlonjar, duke lënë të kalojë para vetëm Edgar Çanin e Partizanit, i cili aktualisht është futbollisti më i paguar në kampionat, i cili ka një pagë muajore prej 20 mijë eurosh. Muaremi luan si sulmues, por mund të luajë edhe si mesfushor krahu, pasi e ka provuar këtë gjë në disa kampionate të ndryshme.
Sot, pritet që të firmoset dhe kontrata nga e cila do të zbardhen dhe detajet e transferimit të sulmuesit maqedonas në Vlorë.
[gallery columns="1" size="full" ids="179669"]
Lexo gjithashtu
