Dhoma e Zgjidhjes së Konflikteve pritet të vendosë sot për Ernest Gjokën. Ky i fundit disa sezone më parë drejtonte Flamurtarin, megjithatë disa paga të padhëna i çoi palët në gjyq ku tekniku kryeqytetas doli i fituar. Ende nuk është ekzekutuar vendimi, nga i cili Gjoka përfiton 45 mijë euro nga klubi vlonjat.
Drejtuesit e Flamurtarit janë shprehur se nuk e marrin përsipër si borxh, ndërkohë kanë kaluar të gjitha afatet për ekzekutimin e tij. Sot pritet të jepet vendimi nga Dhoma e Zgjidhjes së Konflikteve, ku me shumë gjasa do të ketë një afat tjetër për Flamurtarin që të shlyejë borxhin ndaj Ernest Gjokës, aktualisht trajner i Kukësit.
Loading ...
