Te Flamurtari ende nuk është konfirmuar programi për fazën përgatitore. Sipas “RTSH Sport”, klubi kuqezi ka shtyrë me një ditë (nga 4 në 5 janar) datën e udhëtimit drejt Turqisë në Antalia. Kjo bën që të mos ketë qartësi nëse faza përgatitore do të nisë në datën 6 apo 7 janar.
Në lidhje me merkaton, “RTSH Sport” shton se klubi kuqezi po planifikon blerjen e dy futbollistëve.
Ndërsa një tjetër çështje që po mban në ankth futbollistët e Flamurtarit janë shlyerja e pagave të prapambetura, për të cilat drejtuesit e klubit kanë premtuar zgjidhje të shpejtë.
Nëse çështja financiare nuk zgjidhet në kohë, objektivat e Flamurtarit këtë sezon mund të vihen në rrezik.
Loading ...
