Çështja më e nxehtë e ditëve të fundit ka qenë porta e skuadrës kuqezi. Edhe pse ka pasur në dispozicion Argent Halilin dhe Klodjan Xhelilajn, trajneri Magani tashmë ka marrë një tjetër portier të ri siç njoftuam një ditë më parë.
Bëhet fjalë për algjerianin e rritur në Kanada, Haidar Al Shaibani. I lindur më 31 mars 1984 dhe që ka zhvilluar karrierën në Kanada, Al Shaibani tashmë është pjesë e Flamurtarit. Ai ndodhet në Vlorë dhe do të jetë pjesë e stërvitjes së radhës që do të zhvillohet të hënën.
Ardhja e Al Shaibanit u mbyll derën portierëve vlonjatë, ndërsa shton dhe numrin e të huajve në skuadër. Eksperienca e algjeriano-kanadezit është vetëm në kategoritë 4 dhe 5 në Francë, ndërsa në sezonin 2011-2012 ka qenë pjesë e Nimes në National League në Francë, e cila përkthehet Kategoria e Tretë. Ndërsa regjistron dhe 20 grumbullime me kombëtaren kanadeze.
Loading ...
Leave a Reply
You must be logged in to post a comment.