Gjykata penale e rrethit gjyqësor Tiranë ka vendosur ditën e sotme dënimin me 6 muaj burg të tifozit të Tiranës Armando Balliu, I cili ka ndezur flakadan në derbin e fundit mes Partizanit dhe Tiranës në "Air Albania". Mësohet se tifozi nuk do bëjë burg, por dënimi është përkthyer në 12 muaj shërbimë prove.
Ndryshimet e ndodhura në Kodin Penal kanë dhënë efektet e tyre të para. Në këtë mënyrë Balliu është tifozi I parë që dënohet me burg në Shqipëri pas ndryshimeve të ndodhura. Çështja për Armando Balliun është hapur për ndeshjen e 13 dhjetorit ku Tirana triumfoi pas afërsisht 6 vitesh në një derbi. Festa në stadium ka qenë e madhe nga ana e bardhebluve sidomos pas golit të Cobinah ku janë ndezur flakadan, pasi mjete të tilla shihen shpesh herë si alternativë për të krijuar atmosferë në stadium edhe pse të ndaluara.
Dënimi i tifozit të Tiranës, Armand Balliu vjen 1 ditë para zhvillimit të derbit të radhës në Kryeqytet mes Tiranës dhe Partizanit në "Air Albania".
Lexo gjithashtu
