Supersfida e javës së 8-të e Kategorisë së Parë, ajo midis Flamurtarit dhe Elbasanit përfundoi me fitoren e vlonjatëve në shtëpi me rezultatin 2-1. Një fitore mjaft e rëndësishme për kuqezinjtë të cilët ngjiten në vendin e 3-të me 15 pikë, ndërsa “Tigrat” mbeten në vendin e 2-të me 16 pikë të grumbulluara.
Pas kësaj sfide, për mikrofonat e MCN TV foli trajneri i Flamurtarit, Emiliano Çela.
“Ishte një ndeshje shumë e vështirë duke ditur kualitetin e Elbasanit. E doja 1 gol pasi e kemi merituar dhe kemi bërë një lojë të mirë. Përpos këtyre, jam shumë i kënaqur nga ekipi, nga agresiviteti që treguan. Një ndeshje që ishte një pikë kyçe për momentin ku ne jemi. Vinim pas rezultateve të mira. Kjo fitore premton dhe rrit besimin”, u shpreh Emiljano Çela.
-Çelësi i kthesës pasi nuk e nisët mirë, por tashmë jeni shumë mirë?
“Puna e vazhdueshme, mënyra e punës time se si unë i mbaj lojtarët larg nga presionet e brendshme apo të jashtme. Nuk ka çelsës të veçantë përveç punës. Nëqoftëse i vini re të gjitha ndeshjet, ekipi gjithmonë ka dominuar.”
-Meqënëse Bylisi është në vendin e parë…në janar ke nevojë për të bërë përforcime që të ndërroni vendet?
“Jam i kënaqur me këta lojtarë. Nga ky ekip jam i kënaqur. Edhe çunave ia u them gjatë gjithë kohës. Siç e vazhdova me këtë grup ashtu dua ta mbyll.”
-E shikon Flamurtarin kampion dhe cila është pengesa për ju?
“Unë e shikoj Flamurtarin kampion. Punojmë çdo ditë me seriozitet. Ekipi më ndjek. Po kënaqemi me këtë lloji mënyre loje që po kërkojmë. Gara është shumë e vështirë pasi janë ekipe si Bylisi apo Elbasani. Por mendoj që ashtu si ne edhe Bylisi do të ketë ulje-ngritje.”
-Presionet e brendshme dhe të jashtme?
“Gjatë gjithë kohës për një ekip profesionist kërkesat janë të larta. Jemi të drejtpërdrejtë me njëri-tjetrin. Jemi nga ekipet që së bashku me Elbasanin kemi buxhetin më të lartë. Por duke pasur buxhet të lartë nuk do të thotë që je pretendent, por duhet të punojmë.”
Lexo gjithashtu
