Interi mori fitoren e 10-të radhazi në Serie A. Zikaltërit mposhtë Sassuolon, 2-1 në shtëpi duke shkuar kështu në 11 pikë larg nga Milani dhe 12 nga Juventusi. Në fund të takimit për mediat, trajneri zikaltër, Antonio Conte u shpreh se nëse Interi do të luante kështu edhe në fillim të sezonit do ishin akoma duke luajtur në Champions.
"Mendoj se duhet të bënim një hap tjetër nëse dëshironim të bënim një sezon si protagonistë të vërtetë, nëse do të donim të bëheshim një pretendent për titullin. Ishte e nevojshme të ngrihej ritmi i keqdashjes, i vëmendjes, i vendosmërisë në çdo situatë. Ka ndeshje si kjo e sotmja ku përballesh me ekipe që kanë pak për të kërkuar nga kampionati dhe vijnë këtu të qetë.
Jemi më të mirët, më të këqijët, më cinikë, mund të shënojmë 5-6 gola dhe ta mbyllim ndeshjen më herët. Këto janë ndeshje të rëndësishme për ne që dëshmojnë sesi ekipi po rritet, me këtë mentalitet, me këtë qëndrim, mbase do të ishim akoma në Ligën e Kampionëve. Është e rëndësishme të fitojmë kampionatin pasi mungon prej kohësh. Nëse spostojmë Juventusin dhe fitojmë titullin do të thotë që kemi bërë një gjë shumë të madhe", u shpreh Conte.
Lexo gjithashtu
