Ernest Muçi u zyrtarizua pak ditë më parë te Legia e Varshavës. Sulmuesi i talentuar nga Tirana për një shifër rreth 500 mijë euro e tashmë do të vijojë karrierën e tij në Poloni. Ditën e sotme, Muçi u është përgjigjur pyetjeve të ndryshme të tifozëve në Instagramin zyrtar të Legias. 19-vjeçari ka zbuluar se ndeshja më e bukur deri më tani për të ka qenë fitorja ndaj Partizanit 5-1 në derbi, ndërsa ka ëndërr që të luajë për Kombëtaren A dhe në një klub të madh në Europë.
“Momenti më i bukur në karrierën time ka qenë derbi i vjetshëm ndaj Partizanit (5-1), unë shënova dhe stadiumi ishte plot. Cristiano Ronaldo është një nga më të mirët e historisë, në basketboll më pëlqen LeBron James.
Basketbolli ishte loja që më pëlqente kur isha i vogël, tani e luaj në videogame, por futbolli është dashuria ime. Shqiptarët janë shumë të sjellshëm dhe kanë dëshirën të të ndihmojnë gjithmonë. Nuk po mendoj për kombëtaren, thjesht mendoj të bëj më të mirën dhe më pas të shohim.
Tifozët më të mirë në Shqipëri janë ata të Tiranës. Janë të çmendur. Po, trajneri më tha Messi i Legias, me siguri po bënte shaka. Te kombëtarja, Igli Tare ka qenë një lojtar shumë i mirë. Unë si Leëandoëski? Do të jetë shumë e vështirë, thjesht dua të bëj më të mirën time.
Kam shënuar disa gola me goditje dënimi, por do përpiqem të bëj më mirë dhe të shënoj më shumë. Lëandoëski është më i miri në Poloni. Mund të luaj në çdo pozicion në sulm, i përket trajnerit zgjedhja.
Ëndrra ime është të luaj në skuadrat më të mëdha në Europë dhe të shkoj sa më larg me kombëtaren time. Kam luajtur që 5 vjeç futboll dhe më ka udhëhequr pasioni dhe dashuria për të. Te Legia ka shumë lojtarë të aftë me topin dhe mendoj se do të jetë e lehtë të përshtatem këtu”, u shpreh Muçi.
Loading ...
