Vllaznia mori një fitore të rëndësishme ndaj Kukësit në “Loro Boriçi”, me shkodranët që triumfuan me shifrat 3-1. Një sukses për kuqeblutë që koleksionojnë kështu 3 pikët në javën e parë të Superiores.
Por kjo fitore “dhemb” për shkodranët, të cilët në sfidnë ndaj Erzenit do të duhet t ëbëjnë llogaritë pa një titularë. Sikur të mos mjaftonte dëmtimi dhe mungesa e Ardit Krymit, ndaj Kukësit u dëmtua edhe Marko Juric, me këtë të fundit që u detyrua të linte fushën e lojës në minutën e 70-të, ku Migen Memelli e zëvendësoi me Alivodën.
Kjo shton “dhimbjet e kokës Memellit, i cili ndaj shijakasve do të duhet të gjejë një zëvendësues për Juric në qendër të mbrojtës. Kujtojmë se Vllaznia do të luajë në transfertë ndaj Erzenit ditën e premte në orën 16:00. Kjo përballje është e vlefshme për javën e dytë të “Abissnet Superiore”.
Lexo gjithashtu
