Shqipëria mbrëmjen e djeshme ka arritur të fitojë në ndeshjen hapëse për Nations League ndaj Izraelit. Goli u shënua nga Taulant Xhaka në minutën e 55-të të takimit me një gjuajtje nga jashtë zonës. Një pjesë e parë jo shumë e mirë, por në fraksionin e dytë, djemtë e Christian Panuccit arritën të merrnin në dorë kontrollin e lojës dhe në fund të dilnin me tre pikë shumë të rëndësishme.
Megjithatë, Kombëtarja arriti që të fitojë një lojtar shumë të rëndësishëm, i cili që në debutimin e tij ka bërë një ndeshje mjaft të mirë. Bëhet fjalë për mbrojtësin e majtë Egzon Binaku, i cili ka luajtur një ndeshje për t'u mbajtur mend, duke mbrojtur mjaft mirë na pozicionin e tij, por edhe duke ndihmuar skuadrën në aspektin sulmues. Binaku është vetëm 23 vjeç dhe bëri që Agolli edhe pse u grumbullua, të mos aktivizohet nga trajneri Christian Panucci.
Lexo gjithashtu
