Valdrin Mustafa ka arritur t’ia dalë me sukses teksa është shëruar nga Coronavirusi. Mesfushori i njohur u prek disa ditë më parë nga virusi “Covid 19”, ndërsa tashmë ka treguar se ka rezultuat negativ në dy testet e tjera.
Një lajm i mrekullueshëm ky në një moment kur e gjithë bota është “paralizuar” për shkak të këtij virusi që në shumë raste ka rezultuar fatal. Është vetë Mustafa që përmes një postimi falënderon presidentin e Federatës së Futbollit të Kosovës, Agim Ademin duke treguar se tashmë është mirë.
“Të falënderoj unë dhe familja ime për interesimin e juaj personal dhe interesimin e FFK-së. Ju jam shumë mirënjohës. Un jam testuar dhe sot më erdh rezultati se isha negativ për Covid19”, ka deklaruar Valdrin Mustafa.
Loading ...
