Tekniku Armando Cungu e ka menduar për një javë formacionin që duhet të mposhtë Tiranën. Shkodrani ka në plan të kryejë ndryshime në rreshtimin e verilindorëve. I detyruar nga dëmtimi i Simon Rrumbullakut trajneri i Kukësit do të hedhë në fushë në krahun e majtë Vangjel Zguron.
Ndërsa në mesfushë Irakli Dzaria nuk do të jetë titullar, edhe pse ndeshja ka një peshë të madhe. I zhgënjyer nga shpërdorimi i rastit për të shënuar ndaj Flamurtarit, Cungu e ka bërë shembull gjeorgjianin. Në vend të tij është gati Vesel Limaj. Por në repartin e sulmit shkodrani i ka besuar sërish boshnjakut Haris Harba, pavarësisht se është larg pretendimeve të klubit. Ai do të ketë mbështetjen e Arturo Reginaldos.
Me pak fjalë formacioni për supersfidën e sotme për Kukësin pritet të jetë ky: Maloku, Maliqi, Shameti, Cuculi, Zguro, Çyrbja, Musolli, Limaj, Melo, Reginaldo, Harba.
Loading ...
