Partizani me barazimin me Egnatian humbi terren në garën për titull, teksa tashmë ndodhen në vendin e dytë, 48 pikë, -2 nga Tirana. Por ky barazim me rrogozhinasit nuk i lë prapa vetëm në garën për titull, por i lë me “probleme” edhe për sfidën e radhës. Demat për llogaritë e javës së 29-të do të udhëtojnë në Laç, ku do të sfidojnë kurbinasit për 3 pikët që vlejnë shumë për titullin.Kjo sfidë do të luhet ditën e dielë, më 16 prill duke nisur që nga ora 15:00.
Përpos rivalitetit, kjo transfertë bëhet edhe më e vështirë për të kuqtë që të marrin pikë.. Giovanni Colella do të udhëtojë pa “krahë” në Kurbin, pasi 3 titullarë kanë probleme me dëmtimet. Tedi Cara, Remzifaik Selmandi dhe Atanaskovski janë lojtarët që priten të mungojnë ndaj bardhezinjve.
Sulmuesi kavajas ka marrë një dëmtim në gju, ndërsa la fushën e lojës në minutën e 19-të me rrogozhinasit. Një goditje e tillë në gju kërkon kohë për rikuperimin, por gjithsesi gjendja e tij do të jetë nënvëshgimin e stafit mjeësorë të skuadrës. Situata më e rrezikshme është për tetovarin, i cili rrezikon të mbyllë sezonin. Selmani mungoi ndaj Egnatias dhe do të mungojë edhe të dielën. Sulmuesin ka marrë një dëmtim në pjesën e klavikulës, teksa situatat e tij do të shikohet më me imtësi në ditët në vijim. Ndërkohë Atanaskovski prej më shumë se 10 ditësh është i dëmtuar dhe nuk është rikuperuar ende. Gatishmëria e tij për duelin me Laçin mbretet në dyshim ashtu si Telushi dhe Maget, të cilët janë në garë me kohën për t’u rikthyer.
Lexo gjithashtu
