Ministrja e Arsimit, Evis Kushi i ka dorëzuar dje gjerdanin e artë kampionit Ferit Keta, i cili mposhti holandezin Blokland.
"Duel në Themel" ishte një event i madh ndërkombëtar sportiv, i organizuar nga Vëllezërit Keta dhe Bashkia Rrogozhinë, në një atmosferë fantastike në Kalanë Shekullore të Bashtovës.
"Sporti bashkon popujt, njerëzit, nxit paqen, solidaritetin, por ndërkohë ka edhe fuqinë të ngrejë lart emrin dhe flamurin e një kombi. Krenare për Ferit Keta, i cili fitoi gjerdanin e artë botëror në #IKBF ndaj holandezit Blokland, duke frymëzuar talentet e reja shqiptare e duke provuar se me vullnet, sakrifica, e sidomos duke ruajtur vlerat më të mira njerëzore, mund të ngjitesh lart në majat e suksesit", shkruan ministrja Kushi në Facebook.
Lexo gjithashtu
