Te Barcelona ka ardhur çasti i së vërtetës, pasi sot në klub është dita e votimeve për zgjedhjen e presidentit të ri për një mandat 4-vjeçar.
Tifozët kanë të drejtë të zgjedhin një mes Joan Laportës dhe Victor Font, pasi dy kandidatët përballen me “heshtjen elektorale” pas fushatës së tyre.
Laporta është në kërkim të konfirmimit të tij, ndërsa Font do të marrë “hak” për humbjen në zgjedhjet e kaluara dhe për të marrë për herë të parë “frenat” e presidencës.
Zgjedhjet do të jenë vendimtare për një sërë arsyesh sportive që lidhen drejtpërsëdrejti me të ardhmen e klubit katalunas. Një prej tyre është dhe ndryshimi në menaxhement si dhe në stol, pasi e ardhmja e drejtorit sportiv Deco dhe trajnerit Hansi Flick varen pikërisht nga “zgjedhja” e tifozëve blaugrana.
Lexo gjithashtu
