Edhe 2 ditë na ndajnë nga ndeshja e parë e Shqipërisë në Euro 2024. Sfida e parë e kuqezinjve të Sylvinhos do të jetë më 15 qershor në orën 21:00 përballë Italisë, ndeshje e cila do të zhvillohet në stadiumin “Signal Iduna Park” të Dortmundit.
Tashmë janë bërë zyrtarë edhe emrat e arbitrave që do të gjykojnë në këtë ndeshje, të gjithë ata do të jenë gjermanë. Kryesori i kësaj sfide do të jetë arbitri i njohur, Felix Zwayer. Asistentët e këtij të fundit do të jenë Stefan Lupp dhe Marco Archmuller.
Në rolin e arbitrit të katërt është emëruar Daniel Siebert, ndërsa nga dhoma e VAR-it në ndihmë të kryesorit Zëayer do të vijë, Bastian Dankert.
Kryesori Felix Zwayer ka pranuar për Federatën gjermane se në vitin 2004 ka marrë pjesë në trukimin e një ndeshje. Asokohe përfitoi 300 euro, teksa mbante rolin e asistentit. Federata e pezullonte për 6 muaj për këtë shkak dhe shpesh herë e kanë shoqëruar polemikat.
Lexo gjithashtu
