Kombëtaret që marrin pjesë në Euro 2024 kanë publiuar listat e tyre paraprake. Trajnerët kanë zgjedhur lojtarët që mund të kenë në kampionatin europian, teksa zgjedhjet e tyre kanë shkaktuar edhe pakënaqësi dhe reagime të shumta.
Një prej tyre është ish-sulmuesi italian Paolo Di Canio. Ish-sulmuesi italian ka komentuar zgjedhjet e trajnerit Luciano Spallettit. Di Cano thekson se disa lojtarët nuk duhej të grumbulloheshin, pasi kombëtarja sipas tij nuk është qendër rehabilitimi.
“Kombëtarja nuk është një qendër rehabilitimi. Fagioli u pezullua për përfshirje në baste dhe për më tepër, prej 8 muajsh nuk ka pasur mundësinë të zbresë në fushë. Mendoj se nuk duhej të ishte grumbulluar, por jam i bindur që Spalletti nuk do ta marrë në Gjermani
Donnarumma më ka zhgënjyer. Prisnim të ishte një Buffon i ri, por ai gabon shpesh dhe për më tepër, nuk di të luajë me këmbë. Vihet nën presion sa herë që shokët i pasojnë topin, duke gabuar shpesh. Nuk ofron aspak garanci. Jam kurioz të shoh Bellanovën, që ka shpejtësi dhe krosime të mira. Gjithashtu pres shumë nga Jorginho, që ka eksperiencën e duhur për të udhëhequr skuadrën. Njeh mirë gjeometrinë e fushës dhe mund të jetë vendimtar me paraqitjen e tij”, ka theksuar Di Canio.
Lexo gjithashtu
