Isco Alcaron iu nënshtrua kontrolleve të para mjekësore pas një dëmtimi të pësuar në ndeshjen e fundit në La Liga përballë Las Palmas. Isco u largua që në minutën e 39’ duke krijuar ‘frikë’ te trajneri i Betis.
Por ai që frikësohet më shumë është trajneri i kombëtares së Spanjës, Luis de la Fuente. Ky i fundit po e mendonte që të rikthente në kombëtare ish-fantazistin e Real Madrid, me Iscon që është në super formë, një nga më të mirët në këtë sezon të La Liga-s.
Por ky dëmtim ka vënë gjithçka në pikëpyetje për lojtarin e Spanjës, përfaqësuese që Shqipëria do të ketë kundërshtar në grup.
Tani pritet të mësohet me hollësi se cila është shkalla e këtij dëmtimi dhe do të na tregojë nëse 32-vjeçari do të mund të rikuperohet apo jo për të qenë pjesë e Spanjës në Euro 2024.
Lexo gjithashtu
