Te skuadra e Kukësit duket se nuk po gjejnë qetësinë e fazës së tretë. Verilindorët nuk e njohin fitoren në 4 javët e fundit, duke rrezikuar edhe mbijetesën. 2 fitore dhe 2 barazime kanë prishur atmosferën në skuadër, por sikur të mos mjaftonte vetëm kaq, tashmë duket se edhe dëmtimet janë kundër skuadrës së Rraman Hallaçit.
Abdou Mbarak mungoi në duelin me Vllazninë për shkak të një dëmtimi. Tashmë mesfushori do të humbasë edhe duelin me Kastriotit. I duhen minimalisht 10 ditë kohë për t’u rikuperuar. Një mungesë e madhe për Hallaçin, pasi Mbarak ishte kthyer në një pikë kyçe para mbrojtësve, duke bërë që skuadra të kishte më siguri.
Kujtojmë se sfida me Kastriotin do të luhet ditën e diel duke nisur që nga ora 15:00 në "Elbasan Arena" dhe është e vlefshme për javën e 30-të të "Abissnet Superiore".
Lexo gjithashtu
