Ivan Provedel ka rinovuar kontratën me Lazion, deri në vitin 2028. Portieri italian është kthyer në pikë kyçe, për këtë klubi nuk ka ngurruar të shtojë dhe 1 vit te kontrata e tij.
Dhe pse ajo e mëparshmja përfundonte në vitin 2027, te Lazio janë kujdesur që në kontratën e re të ndryshojnë kushte në favor të lojtarit dhe vetë klubit.
Kontrata tregon dhe njëherë besimin e ngritur mbi 29-vjeçarin. Kujtojmë se Provedel u afrua në verën e vitit 2022 nga klubi i Spezias. Asokohe Lazio pagoi për kartonin e tij 2.5 milionë euro.
Këtë sezon Provedel ka luajtur çdo minutë të mundshëm, ndërsa nga 24 ndeshje ka pësuar 26 gola. Po ashtu 8 herë porta e tij ka qëndruar e paprekur.
Poll
Lexo gjithashtu
