Patrick Nonato është larguar zyrtarisht nga Erzeni. Një nga lojtarët që la gjurmë në sezonin e shkuar në Superiore, ka zgjedhur të vijojë aventurën në Mal të Zi. Padyshim humbje e madhe për shijakasit, të cilët nuk do të kenë në gjirin e tyre një nga sulmuesit që bëri mirë në kampionatin shqiptar.
Nonato ka firmosur me Deçiç në Mal të Zi duke u bërë futbollisti i radhës që largohet nga Erzeni. Edhe pse qëndrimi në Superiore u mundësua falë fitores me Korabin në Play-Off, lëvizjet në kampin shijakas kanë qenë me pikatore.
Kujtojmë që në sezonin e shkuar, Nonato arriti të shënonte 12 gola në 34 ndeshje që u aktivizua. Edhe nga analistët u cilësua si një nga sulmuesit më të mirë të Superiores. Tashmë ai do të japë kontributin e vet në kampionatin malazez.
Lexo gjithashtu
