Peshëngritësi i njohur shqiptar, Erkand Qerimaj ka shpërthyer në akuza ndaj shefit të klubit shumësportësh Vllaznia, Mark Kroqi.
Përmes një postimi në Facebook, ai ka zbuluar dhe denoncuar kushtet e vështira ku stërvitet ekipi i peshëngritjes së Vllaznisë.
“Një Skandal, zoti Mark Kroqi! Ju kam sjellë Kupën e sportistit më të mirë nga Kupa e Republikës për vitin 2016! Ju nuk më futni në 10 Sportistët më të mirë të Shkodrës, për të qeshur edhe gomari me ju!!
Si e shpjegoni ju këtë skandal? Kur ekipi i peshëngritjes nuk ka palestër e ju keni caktuar nevojtore tek pallati i sportit si vend për stërvitjen tonë, kërkoni edhe rezultate.
Turp për ju! I bëj thirrje Kontrollit të Lartë të Shtetit të vijë e të kontrollojë fondet e Klubit Vllaznia. Jam detyruar të bëj një ambient palestër në shtëpi me fondet e mia.
Kam Mbi 40 medalje ndërkombëtare evropiane e botërore , rekorde evropiane, botërore e mesdhetare që nga viti 2002. Do dal edhe në media të sqaroj për më shumë, Mark!”, shkruante Erkand Qerimaj në Facebook.
Lexo gjithashtu
