"Ky nuk është për Shqipëri, ky është për jashtë shtetit", kjo është fjalia që dëgjoje para 3 sezonesh për Erion Hoxhallarin te Tirana. I pakalueshëm në krahun e majtë, mjaft potent në depërtimet e tij në fazën ofensive, mbrojtësi kryeqytetas ishte lojtari më i mirë në Shqipëri në pozicionin e tij. U trumbetua me të madhe për t'u shitur por drejtuesit nuk u ngutën për ta rritur edhe pak si lojtar në mënyrë që t'i rritej vlera. Por, si pakuptuar performanca e tij njohu vetëm tatëpjetën. Sfidë pas sfide, ndeshje pas ndeshje zhgënjeu.
E sot në humbjen 2-1 kundër Kukësit, Hoxhallari ishte ndër futbollistët që vrapuan më pak. Madje tifozët, për gjatë gjithë pjesës së dytë i kërkuan zëvendësimin e tij. Në fund 23-vjeçari u pa i irrituar pasi u detyra t'i linte vendin Ismailgecit që shkëlqeu për aq minuta sa iu dhanë në fushë. /Neësport.al/
Lexo gjithashtu
