Sikur të mos mjaftonin rezultatet negative, Kamza po përballet me një mal me probleme.
Financat janë problemi më kryesor që po hasin kamzalinjtë. Largimet e 3 titullarëve të padiskutueshëm në fazën e parë si Erlis Frashëri, Olsi Teqja dhe Ognjen Rolovic janë padyshim rezultat i kësaj krize, ndërsa largime të tjera nuk përjashtohen në këto 48 orë të fundit të merkatos.
Njëri prej tyre është Hektor Idrizaj. Mbrojtësi pritet të firmos me Partizanin që ditën e sotme, duke ulur akoma dhe më shumë cilësinë në skuadrën e Ernest Gjokës. Por problemet nuk ndalen këtu. David Izazola, sulmuesi meksikan i cili erdhi me shumë bujë te kamzalinjë është larguar drejt Meksikës, duke mos dhënë shumë sqarime.
Drejtues të klubit thotë se ai ndodhet në Meksikë për arsyeje familjare, ndërsa nuk përjashtohet mundësia që ai të mos rikthehet në Shqipëri, duke shmangur kështu debutimin edhe në një kampionat si ky i joni.
Lexo gjithashtu
