Tirana është shpallur kampione e Kategorisë Superiore për të 25 herë, ndërsa një sukses ka pasur edhe Akademia. Janë talented bardheblu që kanë marrë minuta në këtë sezon fantastic, duke u shpallur edhe kampion ën fund.
Albi Doka, Hoxhallari, Ismajlgeci, Çelhaka, Muçi, Halili e Stafa janë rrëfyer për "Supersport", duke treguar emocionet dhe dëshirat për të ardhmen.
Hoxhallari - "Fanellën e Tiranës e kam veshur për herë të parë në moshën 16 vjeçare. Ka qenë trajner Rubio, ai që më afroi. Atëherë nuk e ndienim dot peshën sepse sa kishm ardhur nga Akademia dhe ndienim vetëm emocionin e fushës, tani e di se çfarë përgjegjësie është të veshësh këtë fanellë"-tha Erion Hoxhallari.
Çelhaka - "Është një ndienjë e bukur, kjo ndjesia që të jesh te Tirana dhe të dalësh kampion është një ëndërr e bërë realitet. Kur erdha te Tirana në moshë të vogël, ëndëroja të merrja minuta ndërsa tani fituam titullin. Kur luajta për herë të parë nuk më zinte gjumi natën, emocione të forta. Ambiciet janë të mëdhaja, dua të shkoj jashtë, nuk ka rëndësi kampionati por të marr minuta. Kombëtarja është diçka që dua", - tha Çelhaka.
Muçi - "Familjarët na flasin për legjendat bardheblu dhe jam I lumtur që për 100 vjetor, unë dhe shokët jemi pjesë në këtë histori. Kjo është një ëndërr që u bë realite. Talenti më I madh I Tiranës ? Gjithmonë shikoj të jem me këmbë në tokë dhe sa herë më komplimentojnë dua të shoh për ndeshjen e ardhshme që të jap më të mirën. Jam afruar në klub në janarin e 2018 dhe kam pritur deri në fund për debutim dhe kur kjo ndodhi m'u plotësua një ëndërr"- tha Muçi
Halili - "Besoj se familja ka ndikuar te unë, por këtë fanellë e ndiej sepse jam rritur qysh në moshën 10 vjeçare në klub. Kjo fanellë përfaqëson shumë, kjo frymë n aka bërë që të kërkojmë më të mirën nga ekipi. Stema flet shumë pasi brezat emëparshëm kanë fituar shumë. Investimet e familjes kanë bërë të vetën, që edhe unë të shtoj dashurinë ndaj klubit.
Akademia dhe Kategoria e Parë? Që te moshat jemi mësuar me presionin që ka klubi. Kundërshtarët mobilizohen më shumë me ne. Ndjenja e fitimit të titullit nuk përshkruhet, nuk ndiej fjalët e duhura. Duhet të jemi me këmbë në tokë. Duhet të nisim një cikël të ri, te lavdia e viteve të mëparshme. Menaxhimi I duhur do na çojë drejt trofeve dhe rezultateve pozitive. Në Europë nuk do jemi thjesht për të kaluar radhën. Jemi ekipi më I mirë në Shqipëri, ndaj nga puna që kanë bërë njerëzit në klub, të gjithë duan të vijnë te Akademia jonë" - tha Grent Halili.
"Kur hyra në fushë ishte një emocion I papërshkrueshëm, kam debutuar dhe jam shpallur edhe kampion", tha Stafa. Edhe Ismajlgeci ka treguar emocionet e tij të debutimit, ndërsa këtë sezon ka qenë lojtari që ka rënë në sy.
"Kam qenë që 10 vjeç te Akademia dhe mjafton vetëm me një fjalë. Ajo është Tirana. Jam mësuar që të vesh vetëm fanellën e Tiranës dhe kur të kthehem një ditë në Shqipëri do vesh vetëm fanellën bardheblu", tha Albi Doka.
Lexo gjithashtu
