Dita e sotme është një ditë zie për futbollin kryeqytetas teksa mëngjesin e sotëm u bë me dije lajmi i ndarjes nga jeta të Nezihat Stërmasi, bashkëshortja e ikonës së klubit të futbollit Tirana, Selman Stërmasi. Në moshën 102 vjeçare, “Nona Tirona” siç quhet nga dashamirësit e klubit, mbylli sytë për herë të fundit. Klubi i Tiranës dhe tifogrupi “Tirona Fanatics” kanë reaguar në rrjete sociale.
“Emër që nuk do të harrohet! Prehu në paqe Nezihat Stërmasi. Përgjithmonë në kujtimet dhe zemrat tona!”-janë fjalët e klubit.
“Tirona Fanatics i shpreh ngushellimet familjes Stermasi per kete humbje te madhe. Te gjitha falenderimet e botes nuk mjaftojne per familjen historike te Stermasve. Ata qe e dashuruan e luftuan per ngjyrat e identitetin e Tirones si askush tjeter…pa kushte! Prehu ne paqe… Nezihat Stermasi (Nona Tirona)”-shkruan tifogrupi.
