Interi do të presë Lazion në fundjavë për të zhvilluar mes tyre edhe sfidën e javës së 32-të të Serie A. një përballje që pritet me mjaft interes, pasi në fund të kësja ndeshje nëse triumfatorë dalin zikaltërtit dhe Napoli merr 3 pikët ndaj Salernitaas, skuadra e Spallettit hap shampanjën.
Elseid Hysaj që është kthyer në një pikë të fortë në mbrojtjen e Lazios, me shqiptarin që ka theksuar se nuk heqin dorë nga asgjë, teksa hyjnë në fushë vetëm për fitoren.
“Me siguri nuk heqim dorë nga asgjë, pasi është Interi më pas dhe do të jetë një ndeshje shumë e bukur, shumë e bukur për t’u luajtur. Nuk mendoj se si një ndeshje e tillë mund të na ulë moralin, pasi ne punën që kemi bërë në gjithë këto muaj nuk mund ta hedhim poshtë me vetëm një ndeshje.
Duelet direkte? Mendoj se mungojnë 8 ndeshje dhe janë shumë, janë shumë pikë në lojë. Nëse bëjmë llogaritë, 8 ndeshje më parë ishim poshtë dhe tani jemi në vendin e dytë. Duhet të jemi gjithmonë të vëmendshëm, ndeshje pas ndeshje, deri në fund, pasi janë gjithmonë tre pikë dhe ka ende 8 ndeshje për t’u luajtur”, theksoi mbrojtësi shqiptar për “Lazio Style Channel”.
Lexo gjithashtu
